Këshilla vajzave të mija...

Vogëlushe, është ende herët për t\'ua thënë këto fjalë.
Jeni akoma në botën tuaj të pafajshme, por koha kalon aq shpejt sa nuk mund ta besoni... çdo gjë nuk është aq e thjeshtë sa mund të mendoni, dhe çdo vështirësi mund të jetë më e lehtë se mund ta imagjinoni.
Vogëlushe, mos u tregoni të padurueshme, mos u rritni shpejt.
Bota e këtushme është shumë e ndërlikuar, e trazuar, dhe shpeshherë e pakuptueshme. Por mos u shqetësoni, çdo gjë mësohet.
Vogëlushe, kur të rriteni do të shihni sesi moshataret tuaja i ndërrojnë partnerët sikur të ishin rroba. Mos u shqetësoni, le t\'u thonë se ju nuk dini asgjë, do të vijë koha kur të njihni dhe ju princat tuaj.
Do t\'u nxisin pse nuk tymosni cigare që në moshën 14 vjeçare, le t\'u paragjykojnë ,ju jeni të shëndetshmet.
Vogëlushe, do të shihni sesi disa femra qajnë si të marra se humbën një dashuri, më besoni nuk është fundi i botës.
Të shtrenjtat e mija, do të shihni sesi vishen moshataret tuaja, nuk do të thotë dosmosdoshmërsht të ndjekni modën. Të jesh vetja është më e modës.
Do të inatoseni kur t\'u flasim ne, prindërit tuaj, iu kuptoj, e kam bërë dhe unë dikur. Por, tani kam arritur të kuptoj sesa me vlerë ishin fjalët e tyre.
Do të keni shumë mikesha e miq, të cilët do të pakësohen me kalimin e kohës. Mos u mërzitni, ranë frutat e kalbura të një peme, ato që mbetën vlejnë.
Vogëlushe, të qenit femër nuk është dhe aq e vështirë sa mund të thuhet, mjafton të dish të respektosh veten.
Gjithmonë koken lart, pavarësisht gjithçkaje...
Keni kaq shumë për të mësuar vogëlushe...çdo gjë në kohën e duhur, mjafton të mos nxitoheni.
Shijoni kënaqësitë e moshës, mos u interesoni pse bota funksionon kështu, vështirë për ta kuptuar.
Jetoni të tashmen dhe buzëqeshni për të ardhmen...
Mezi pres t\'iu përqafoj !