Zhvillimi dhe rritja
javë pas jave

VIP Intervista - Diola DOSTI BAFTIU

Aty ku ka dashuri, aty është shtëpia dhe zemra ime

Diola Dosti-Baftiu është nutriciste shumë e njohur. E lindur në Tiranë, por e martuar në Prishtinë ajo vazhdon punën e saj si nuriciste më shumë zell në Kosovë dhe Shqipëri. Ajo pothuajse çdo javë është mysafire në televizionet e Kosovës dhe Shqipërisë, ku flet për rëndësinë e ushqimeve. Po ashtu është edhe profesoreshë universtare në kolegjin “Fama”, Prishtinë.

 

Bebaime.com: Diola është emër shumë i njohur, sidomos te nënat. Me çka konkretisht merreni?

Diola Dosti-Baftiu: Në fakt, unë bëj disa punë, por të gjitha kanë një qëllim të përbashket : ‘ndërgjegjësimi I shoqërisë shqiptare mbi mënyrën e të ushqyerit’. Sot ushqimi është shndërruar në biznes për shumë kompani ushqimore, por edhe farmaceutike dhe unë të ju ndihmoj të tjerëve, që të jenë klientë të zgjuar, të mos mashtrohen nga reklamat, të zgjedhin ushqimet që përqafojnë më shumë natyrën. Që katër vjet jam mysafire e përjavshme në televizione të ndryshme, si Klan Kosova, Rtk, Rtv21, Top Channel etj. Aty vazhdimisht jap këshilla për një jetë larg kimikateve dhe ushqimet e shëndetshme. Ndërkohë, jam ligjëruese, profesoreshë në Universitet, në Shkencat e Mjekësisë, ‘Fama’, profilet Mami dhe Infermieri, ku ligjëroj profile të të ushqyerit. Një kontribut të madh e jap edhe në faqen time në facebook ‘Mësimet e Diolës’, ku mund të lexoni këshilla pafund mbi shëndetin dhe bukurinë. Gjithashtu jam anëtare e bordit të Akademise Italiane të Nutricionit, ku bëhet certifikimi i nutricistëve dhe dietologëve.

 

DDB

 

Bebaime.com: Puna që bëni ju është senzibilizimi dhe ndërgjegjësimi i shoqërisë shqiptare për mënyrë e jetës dhe ushqimin e shëndetshëm. Sa ia keni arritur qëllimit?

Diola Dosti-Baftiu: Mendoj që Mësimet e Diolës ka bërë një hap të madh drejt ndërgjegjësimit të individëve të ndryshëm mbi ushqimet. Këtë e shoh nga kërkesat që ata kanë mbi atë se si t’i njohin ushqimet e mira, e shoh kur më shkruajnë në faqe mbi dietat, e shoh sepse marr mesatarisht 200 mesazhe, e shoh nëpër markete që shohin tabelën e përbërësve të produktit që blejnë, e shoh te fotot që më çojnë çdo ditë mbi produktet që blejnë dhe më pyesin ‘bën kjo apo jo’ etj. Unë jam shumë e lumtur, por shumë kërkuese. Punoj shumë, por mendoj që duhet më shumë, sepse janë ta paktë ata persona që kanë këtë profil. Mbi të gjitha, nuk ka literaturë dhe unë shpenzoj shumë duke blerë literatura të huaja mbi ushqimin, për të dhënë jo koncepte që mund ti gjesh në internet nga njerëz çfarëdo, por nga profesionistë. Por e mira nuk ka fund!

 

DDB

 

Bebaime.com: Sipas përvojës tuaj a ushqehen mirë dhe shëndetshëm shqiparët?

Diola Dosti-Baftiu: Kemi ushqime tradicionale shumë të mira. Turshitë, tërhana, mishi pastërma për shembull, janë të ushqyeshëm. Por në momentin që dalin nga shtëpia, kanë një formulë ‘picë dhe coca cola’. Në fillim kur kam ardhur në Kosovë, ka qenë viti 2007 dhe kur kam parë se si ushqehen dhe më janë ofruar ushqime të tilla nga restauranti p.sh kur ishim me familjes, kam vënë duart në kokë dhe kam pësuar çrregullime në stomak, rrjedhimisht në lëkurë dhe flokë. Kurse sot, pas 9 vjetësh, unë shoh ndryshime, por jo aty ku dua unë. Që do të thotë, duhet ende punë të paktën nga ana ime. Mendoj që janë nënat ato që e kanë në dorë të ardhmen ushqimore të brezave të rinj. Edukimi ushqimor i tyre, është jashtëzakonisht shumë i çmuar!

 

DDB

 

Bebaime.com: Ju shohim shpesh nëpër televizione, duke dhënë këshilla të ndryshme rreth ushqimeve, sidomos për ato që janë të shëndetshme. Sa arrini që me këshillat tuaj ta ndërgjegjësoni shoqërinë tonë?

Diola Dosti-Baftiu: Unë vë re që me ndjekin shumë pasi sapo dal nga studio, viberi im dhe inboxi mbushet plot me mesazhe. Jo vetëm foto për të me dëshmuar që më kanë ndjekur, por edhe pyetje ekstra mbi atë temë që kam folur. Dhe kjo më jep një energji shumë të mirë. Unë i dua shumë ata dhe ato që duan të kujdesen për ushqimin e tyre, rrjedhimisht për të ardhmen e fëmijëve të tyre, që në mënyrë direkte, është e lidhur me ushqimin. 90% e sëmundjeve kronike në botë, vijnë si rezultat i malnutricionit apo kequshqyerjes. Këtë ata që ndjekin Mësimet e Diolës, tashmë e kanë kuptuar!

 

DDB

 

Bebaime.com: Ju po ashtu keni dhe shumë produkte tuaj që i shisni. Cilat janë ato produkte dhe kryesisht cilat mosha preferohen ti përdorin?

Diola Dosti-Baftiu: Realisht, më herët kam punuar edhe me produkte kozmetike, kremra antirrudhë, skrabe, shampo natyrale (të gjitha këto të ngrënshme) pasi kam qenë dhe qëndroj me parimin që mos t’i vendosim asgjë lëkurës sonë, nëse nuk mund ta konsumojmë atë. Por, kohët e fundit, duke qenë se e kam pasur vetë problem nënpeshën, jam fokusuar te produktet për shtim peshe. Është interesante pasi, mbas nxjerrjes së këtij produkti, shumë dyqane që shesin mjaltë, kanë futur në linjën e tyre mjaltë të tillë, duke mos e ditur realisht se nga çfarë elementesh ushqimore është i përbërë ky produkt. Madje madje shumë dyqane që shesin produkte natyrale, kanë shitur mjaltë me këtë qëllim, duke i gënjyer klientët se është produkti im. P

or, ky produkt, bëhet vetëm me porosi personale nga faqja ‘Mësimet e Diolës’ dhe numri kontaktues që gjendet aty. Tashmë i vetmi dyqan që ka ekskluzivitetin e këtij produkti, gjendet në Gjakovë, “Ihealthy organic shop”. Sepse, shumë njerëz abuzojnë nën emrin tim dhe në të gjitha rastet produktet e tjera që kanë mashtruar njerëzit e tjerë që kanë pasur shumë nevojë të shtojnë peshë, kanë dështuar. Dhe më kanë shkruar që këtë p.sh e kam marrë dhe më thanë që ti e përgatit. Por, unë si nutricioniste, e përgatis ushqimin vetëm dhe vetëm të freskët, me porosi.

Preferohet nga mosha 2 vjeç e sipër. Nuk lë efekte anësore pasi është ushqim. Kam kërkesa për dobësim, por unë punoj me energji që do të thotë, aty ku fokusohem, arrij sukses. Dhe tani për tani, jam fokusuar te individët që duan të shtojnë peshë, fëmijët dhe të rriturit, pa hatërmbetje për ata që kanë nevojë për dobësim. Në një të ardhme jo të largët, do të merrem edhe me individët e tjerë. Kjo mbase është edhe një formë që ata që duan Mësimet e Diolës, të kuptojnë se unë nuk e shoh punën time si biznes, por i bëj gjërat se i ndjej.

 

DDB

 

Bebaime.com: Të flasim pak për Diolën si nënë. Ju keni dy vajza na flisni pak për to, çfarë moshe kanë, si i kanë emrat dhe rreth karaktereve të tyre?

Diola Dosti-Baftiu: Po vajza e madhe quhet Bleza, ka lindur në Tiranë. Është 8 vjeç në klasën e tretë. Vajza e vogël quhet Enja, 4 vjeç, ka lindur në Prishtinë. Bleza është tip i qetë, mëson pianon, i pëlqen shumë natyra, është tip shumë i ndjeshëm dhe flet bukur gjuhën letrare shqipe. Thotë kur të rritem, do ndihmoj njerëzit si mami dhe babi. Enja është krejtësisht e kundërta. I pëlqen zhurma, lojërat shumë ekspresive dhe nuk është aspak e interesuar të flasë si unë. I duan librat të dyja. Enja nuk pranon të rritet.

 

DDB

 

Bebaime.com: Si është të jesh nuse e Kosovës?

Diola Dosti-Baftiu: Personalisht më kanë pritur shumë mirë. Ka disa tradita të lezetshme. Kam pasur një fat të mirë në familjen ku jam martuar unë, që janë të gjitha mjekë, intelektualë dhe më kanë kuptuar shumë mirë. Une jam një vajzë në familjen time dhe gjithmonë kam qenë më e llastuara. Edhe sot kur shkoj në Tiranë më përgatisin ushqimin dhe ma sjellin në shtrat. Dhe familja e bashkëshortit, e kanë kuptuar shumë mirë që unë nuk mund të përshtatem 100% këtu. Dhe më kanë trajtuar edhe këtu si princeshë. Kosova ka njerëz të mrekullueshëm. E vetmja gjë që nuk më pëlqen, është i ftohti pasi jam tip që kam shumë ftohtë. Njerëzit këtu janë shumë mirëpritës, me zemër të madhe, miq të mirë dhe jam shumë e nderuar që jetoj këtu. Të gjithë miqtë e mi më pyesin se si jetoj unë në Kosovë dhe e shohin gati të pamundur të jetojnë këtu. Por aty ku ka dashuri, aty është shtëpia dhe zemra ime. Mbi të gjitha, jam bashkëshortja e njeriut më të mrekullueshëm në botë.

 

DDB

 

Bebaime.com: Cila është këshilla apo sugjerimi juaj për gratë shtatzana dhe nënat e reja sa i përket ushqimeve?

Diola Dosti-Baftiu: Në radhë të parë për shtatzënat nuk vlen parimi që duhet të hanë për dy vetë. Fëmija i merr të gjitha vlerat ushqyese nëpërmjet nënës. Kjo nuk do të thotë se nuk duhet të hajë, por thjesht të zgjedhë ushqimet më të mira, me antioksidantë, me minerale, acid folik, vitamina etj. Frutat dhe perimet sezonale. Ujë dhe lëngje natyrale. Ushtrime të lehta fizike dhe lëkurën ta lyejnë me vaj kokosi ose bajame për parandalim të stijave. Për nënat e reja, nga e cila varet e ardhmja e këtij vendi. T’i edukojnë fëmijët që të ushqehen mirë. Fëmija nuk do t’ja njohë ‘çokollatën’ nëse ti nuk ja prezanton. Nuk them që nuk duhet të hanë çokollata, por jo t’i afrojnë sa më shumë të munden.

 

DDB

 

Bebaime.com: Mendoni në të ardhmen ta zgjeroni edhe më shumë familjen?

Diola Dosti-Baftiu: Unë jam shumë e lumtur me gjithçka që kam, nuk më pengon fakti që kam vajza aspak dhe nuk i ndërroj as me 1000 djem në botë. Unë kam dashur gjithmonë vajza dhe Zoti mi fali, ngaqë s’kam pasur motra. Më nervozojnë shumë idetë e të pyeturit ‘kur do ta bësh një djalë për familjen?’. Aq shumë sa edhe nëse dua të bëj ende fëmijë, dua të bëj vetëm vajza. Lumturia e një familjeje nuk përcaktohet nga organet gjenitale të fëmijës. Më irriton jashtëzakonisht shumë kjo temë e të bërit edhe një djalë për familjen. Për mua, ata që mendojnë ende që duhet një djalë për t’u bërë një familje e kompletuar, janë njerëz që pa dashur t’i etiketoj për shkak të etikës time, thjesht janë njerëz pa ndjenja. Dëgjoj më qindra raste të aborteve për shkak të gjinisë, apo fjalët presinonuese kundrej nuseve për të bërë një djalë dhe është trishtuese. Një Kosovë me një zemër kaq të madhe, me njerëz kaq të mrekullueshëm dhe të ketë ende mentalitetet ‘vrasëse’ të qetësisë dhe harmonisë familjare, është dëshpëruese. Ose unë nuk do të jem në gjendje kurrë t’i kuptoj.

 

Intervistoi: Teuta SINANAJ

/komuniteti

/Intervista të tjera

Fëmijët më pasurojnë me dashuri!
Sellma Kasumoviq është ndër grimeret më të mira që ka Kosova. Ajo me punën e saj ka bërë që...
Nga lindja e vajzës asgjë më nuk është si më parë!
Puhie Demaku është deputete në Kuvendin e Kosovës nga radhët e Lëvizjes Vetëvendosje. Ajo është...
Nënë, është epiteti më i lartë që mund të gëzojë një femër!
Edona Podvorica është moderatore dhe gazetare në televizionin kombëtar RTV 21. Ajo në këtë televizon...
Kjo është familja e Burim Ramadanit
Burim Ramadani është emër i njohur dhe publik në Kosovë. Ai deri vonë ka qenë i angazhuar në...
Liora i ka dhënë edhe më shumë kuptim jetës
Meti Alshiqi ka marrë pjesë në “Big Brother Albania 5”. Ka qenë një ndër konkurrentet...
Fëmija, është një magji që ta zbukuron mendjen dhe shpirtin!
Edita Dula u bë e njohur nga seriali “Familja moderne”. Ajo aty aktronte në rolin e Hanës,...
Fëmijët e mi janë vetë jeta ime
Jehona Zhitia është gazetare në RTK. Punën që bën e do fort, saqë edhe kur ka qenë e vogël ka...
Ardhja në jetë e Denisit ndryshoi gjithçka në shtëpinë tonë
Gjylshahe Beqiraj-Ibrahimi është gazetare në RTV 21, të cilin profesion e ka ushtruar për pesë...
Aktiviteti “Mommy and Me”, në shërbim të nënave!
Ardita Hoxha-Shala është ideatore e aktivitetit mjaft të qëlluar për nëna dhe beba “Mommy...
Jari, dhuratë nga Zoti
Naser Rafuna njihet si ndër aktorët më të mirë në Kosovë. Ai ka luajtur ne skeçe të ndryshme...
Do të bëhem sërish me vajzë. Emri i saj është...
Teuta Krasniqi është ndër aktoret më të mira dhe më të angazhuara në Kosovë, por edhe jashtë...
Blina, është personi që më ka mësuar më së shumti për jetën!
Naile Dema është fytyrë mjaft e njohur. Atë e shohim pothuajse çdo natën e lajmet qendrore të...
Familja, gjëja më e shtrenjtë e jetës time
Për Dudën nuk ka çka të flitet. Ai është ndër reperët më të mirë në trojet shiptare. Duda...
Froni i ka dhënë edhe më shumë dashuri martesës sonë!
Bleta Zeqiri është profesoreshë e gjuhës angleze dhe koordinatore në “Oxford Studio”,...
Të qenurit prind është sinonim i durimit
Alaudin Hamiti është ndër moderatorët më të mirë në Kosovë. Ai udhëheq emisionin “Nin”,...
Vajzat janë lumturia e jetës time
Rudina Bërdynaj është ndër koreografet e para të baletit për fëmijë në Kosovë. Ajo që nga...
Dashuria, ndjenjë e pazëvendësueshme!
Modelja e mirënjohur Saranda Shala ka vite që është në skenën e modelimit kosovar. Por, pas kaq...
Të qenit prind ndërron rrënjësisht rrjedhën e jetës!
Vajza e bukur e ekranit të RTK-së, Njomza Berisha-Miftari është personazhi tjetër që në një intervistë...
Fëmijët më kanë bërë moderatore të jetës sime!
Mirjeta Morinën të gjithë e njohim si ndër moderatoret e para të pasluftës që për 12 vjet me...
Nënat duhet të bëjnë më shumë për fëmijët e tyre!
Këngëtarja Elida Kryeziu pas një kohe të gjatë sivjet i është rikthyer muzikës në festivalin...
Kur lind një bebe lind edhe një nënë
Teuta Krasniqi është ndër aktoret më të mira në Kosovë. Ajo po ashtu është ndër aktoret më...
Fjala nënë ka peshë, nuk matet me asgjë!
Drenusha Latifi është bërë nënë. Ajo në jetë ka sjellë një vajzë të bukur që e kanë pagëzuar...
Kënaqësi ti ndihmosh gruas në rritjen e fëmijës!
Albani njihet si këngëtar shumë i dashur te të gjitha moshat. Karriera e tij muzikore është duke...
Zoti më ka bekuar me një djalë
Pranvera Behramin e njohim si vajzë të ekranit. Ajo për vite me radhë ka udhëhequr dhe moderuar...
Fëmijët kanë nevojë për nënë dhe jo për lodra!
Blerina Kllokoqi-Rugova është ndër kreatoret më të njohura në Kosovë. Një profesion i nisur qysh...
Kjo është familja ime!
Dikur si fëmijë kam admiruar punën e madhe të dy prindërve të mi për të siguruar familjen. Sakrifica...
Të jesh prind është një mision me vete!
Të gjithë jemi mësuar ta dëgjojmë zërin e tij nga e hëna e deri në të premten në shtëpi, veturë...
Të bërit nënë, ishte një ëndërr që u bë realitet!
Modelja e njohur Dhurata Lipovica në një intervistë dhënë për portalin bebaime.com shpalos shumë...
Të qenurit baba më ka shtyrë ta kuptoj konceptin dhe vlerën e nënës!
Milot Hasangjekaj, është ndër këngëtarët më të njohur të repit në Kosovë. Ai është pjesë...
Kur ke djalë dhe vajzë, Zoti të ka falë botën
Elmaze Nura është ndër regjisoret më të mira që ka Kosova. Ajo deri tani ka bërë regjinë e disa...