Gjylshahe Beqiraj-Ibrahimi është gazetare në RTV 21, të cilin profesion e ka ushtruar për pesë vjet me radhë. Më pas është bërë redaktore në këtë televizion, të cilën punë e bën edhe tash. Gjylshahe Beqiraj-Ibrahimi në një intervistë për portalin tonë bebaime.com flet pë profesionin e saj, familjen, djalin dhe shumë gjëra të tjera interesante.

Bebaime.com: Gjylshahe Beqiraj- Ibrahimi ka vite të tëra që është duke punuar në RTV 21. Duket se jeni e lidhur shumë me këtë televizion?

Gjylshahe Beqiraj-Ibrahimi: Realisht edhe rrugëtimin në profesionin gazetarisë e kam filluar në këtë televizion. Në këtë profesion jam zhvilluar falë këtij televizonin. Ky fakt dëshmon se unë jam e lidhur edhe emocionalisht më këtë shtëpi mediale të cilen konsideroj edhe si shtepinë time të dyte tash e 13 vjet.

Bebaime.com: Kur keni nisur punën në këtë televizion dhe për momentin çfarë pozite keni?

Gjylshahe Beqiraj – Ibrahimi: Gjithçka filloj në muajin qershor të viti 2003. Aplikuam 300 të rinj për tu bërë pjesë e këtij televizoni, nga ta u zgjodhem 13 për punë praktike dhe pas 6 muajsh sa zgjaste praktika atëherë udhëheqësit e televizonit 21 vlerësuan punën time dhe zyrtarisht filluam bashkëpunimin. Nga ajo kohë për pesë vjet ushtrova profesionin e gazetares së terrenit, ku kam përgatitur kronika të ndryshme, emisione dhe reportazhe. Në këtë periudhe filloj edhe paraqitja ime e parë televizive në programin e mëngjesit. Pas kësaj eksperience të pa harruar drejtuesit e televizonit 21 vendosen të më emronin redaktore të programit kulturor, artistik, dokumentar dhe të akualitetit, detyrë të cilën e ushtroj edhe tani.

Bebaime.com: Të flasim për familjen. Dimë qe jeni e martuar dhe keni një djalë. Mund të na flisni diçka me konkrete për familjen tuaj?

Gjylshahe Beqiraj-Ibrahimi: Keni të drejtë. Familja ime e ngusht përbehet nga tre anëtar unë, bashkëshorti im (Besimi) dhe djali ynë Denisi, i cili sapo ka mbushur tre vjet. Ardhja në jetë e Denisit ndryshoi gjithçka në shtepinë tonë, atmosfera është krejt ndryshe . Shtepia është e mbushur me plotë jetë. Denisi është shumë i gjallë dhe kërkon përkushtim shumë të madh. Edhe pse unë dhe bashkëshorti kemi profesione të ndryshme jemi koordinuar në atë menyrë që Denisi të ketë çdo herë kujdesin e duhur.

Bebaime.com: Si ishte ai moment apo më mirë të themi si jeni ndje kur për herë të parë keni kupuar se jeni shtëtzën?

Gjylshahe Beqiraj-Ibrahimi: Ishte ndjenjë e pa përshkruar. Nuk e di si ta shpjegoj, nuk e dija si të veproja në atë moment. Thjeshtënuk mund ta besoja.

Bebaime.com: Si ju ka shkuar shtatzania dhe keni hulumuar nëpër porale për të gjetur sa më shumë informata?

Gjylshahe Beqiraj-Ibrahimi: Sigurisht se edhe unë si gjithë nënat e reja isha e shqetësuar se si të veproja muajt e parë të shtazanisë, si të kem kujdes, si të ushqehem e shumë çështje të tjera. Përveç këshillave të mjekës, natyrisht çdo ditë lexoja në portale se si të veproja. Nder portalet atë që e kam klikuar më së shumti ka qenë bebaime, përmes të cilit u informoja shumë se si të kujdesem për shtatzanin, nga dita në ditë, nga muaji në muaj. Madje edhe pas lindjes ky portal më ka ndihmuar shumë në kujdesin e Denisit ushqimin e tij dhe për shumë gjëra të tjera, prandaj edhe sot është një nga portalet e mia favorite.

Bebaime.com: Si ka qenë ai moment kur për herë të parë i keni dëgjuar të qarat e djalit tuaj?

Gjylshahe Beqiraj-Ibrahimi: Në momentin kur Denisi erdhi në jetë nuk ka qarë, për dallim që shumë nëna thonë se fëmija i tyre ka qarë. Denisi ka vazhduar të jetë edhe sot ashtu për zor të madh qan, përndryshe tre vjet të jetës së tij asnjëherë natën s’ka qarë. Ndoshta këtë e ka trashëguar nga i ati për të cilin motrat e tij thonë se ka qenë i urtë dhe më tipare të cilat tashmë i ka Denisi. Thjesht është fëmije i urtë, i dashur dhe shumë i buzëqeshur.

Bebaime.com: Zakonisht prindërit e rinj kanë vështirësi në fëmijën e parë, në kuptimin se a po kujdesen aq sa duhet, a e ushqejnë mirë etj., ju keni pasur këto vëshirsi?

Gjylshahe Beqiraj-Ibrahimi: Ditët e para edhe ne si prinder të rinj ishim në dilemë nese po kujdesemi mirë për të. Kishte momente kur isha në siklet a po veproja mirë a jo. Besimi ka qenë krah meje çdo herë në kujdesin e Denisit, kështu kur unë kisha pasiguri ai çdo herë ka qenë i gatshëm ta ushqejë, pastrojë dhe veshë. Më kujtohet vaksina e parë e Denisit, kur kishte temperaturë dhe gjatë gjithë natës nuk fjetëm asnjëri, duke qëndruar afër tij nga frika mos po i ngritet temperatura e ne si të veprojmë pastaj.

Bebaime.com: Denisi a është duke shkuar në çerdhe?

Gjylshahe Beqiraj-Ibrahimi: Realisht Denisin e kemi dërguar në kopsht kur ka qenë 11 muaj. Ishte muaji i 11 për parapërgatitje të qëndrimit të tij në kopsht. Sepse unë pas përfundimit të pushimit të lehonisë në muajin e 12 doja të dilja në punë. Kështu nga atëherë Denisi rregullisht është në kopsht. Mendoj se kjo përveç që i ka ndihmuar atij në socializmin më fëmijët, më ka ndihmuar edhe mua dhe Besimit që të vazhdojmë punën. Ai çdo herë e dinë se dita e hënë deri të premten është i angazhuar sikurse ne. Ne mëngjes dalim bashkë nga shtëpia atë e dërgojmë në kopsht dhe ne vazhdojmë për në punë. E pas punës serish bëhemi bashkë për t’u kthyer në shtëpi. Është pajtuar më këtë. E kur vjen fundjava ai çdo herë thotë “mami a i kemi tani dy ditë pushim”.

Bebaime.com: Mendoni në të ardhmen që ta zgjeroni ende familjen?

Gjylshahe Beqiraj-Ibrahimi: Sigurisht...do të ishte e pakuptimit ta lemë Denisin vetëm! Ai i donë shumë fëmijët kështu më bën të kuptoj se ai ka nevojë për një fëmijs tjetër në familje. Tashmë shpesh pyet “mami si do t’ia lëms emrin motrës”.

Bebaime.com: Cila është këshilla juaj për gratë shtatzana dhe nënat e reja?

Gjylshahe Beqiraj-Ibrahimi: Ta shijojnë çdo moment të shtazanisë dhe lindjes së fëmijës së tyre. Shtatzënia dhe lindja e fëmijës është gjëja më e mrekullueshme që mund t’ju ndodh në jetë. Çdo periudhë kalon shpejt qoftq e lehtë apo e vështirë. Andaj shijojeni, sepse më vonë do të pendoheni për çdo veprim tuajin.

Intervistoi: Teuta SINANAJ