Sellma Kasumoviq është ndër grimeret më të mira që ka Kosova. Ajo me punën e saj ka bërë që shumë njerëz të famshëm përmes duarve të saj të zbukurohen. Kësaj radhe Sellma nuk flet për grimin, por për familjen. Në një rrëfim interesat për portalin bebaime.com, ajo shpalos detaje interesante për jetën e saj familjare. 

Bebaime.com: Sellmën e njohim të gjithë si grimerja më e mirë në Kosovë. Mirëpo, pak dimë për jetën private të saj. Me kënd është e martuar sa fëmijë ka, ku jeton etj?

Sellma: Jam e martuar me Pleuratin dhe kam dy fëmijë. 

Bebaime.com: Thatë se keni dy fëmijë. Na flisni pak për ta. Si i kanë emrat çfarë moshe kanë, shkojnë në kopsht?

Sellma: Po, kam dy djem Teo dhe Dielli. Teo është 4 vjeç, ndërsa Dielli 11 muajsh. Teo shkon ne kopsht, ndërsa për Diellin kujdeset kujdestarja ime private. 

Bebaime.com: Të flasim pak për momentin e parë kur jeni bërë nënë. Si ka qenë ai çast, mund të na përshkruani me disa fjalë?

Sellma: Momenti i parë që jam bërë nënë, padyshim është momenti më i bukur i jetës time, ashtu sikurse i çdo femre besoj. Është ndjenjë të cilën mund ta përshkruajnë vetëm ato që e kanë përjetuar, i dha jetës time edhe më shumë kuptim. 

Bebaime.com: Profesioni juaj është mjaft i kërkuar, por në fakt sa është i vështirë ky profesion për një bashkëshorte dhe një nënë njëkohësisht?

Sellma: Asnjë obligim i jetës tënde, qoftë familjar apo profesional nuk duhet të të duken si barriera, por në fakt kur është për një profesion të cilin e do, dinamika së bashku me rezultatet e mira më japin kënaqësi dhe motivim për ti kaluar të gjitha sfidat e këtij profesioni, apo edhe të jetës private, pa dyshim se ka sfida gjithmonë. 

Bebaime.com: Cilat janë fjalët e para që keni thënë pasi e keni parë djalin tuaj?

Sellma: Jam e bekuar, falënderuese ndaj krijuesit të fëmijës tim. 

Bebaime.com: A është ndjerë xheloz Teo kur në shtëpi ka ardhur edhe një anëtar i ri?

Sellma: Jemi munduar që Teo të mos ta ndjej neglizhencën e momentit kur në jetën tonë erdhi edhe Dielli, kështu që Teo vazhdon të jetë shok i vëllait të tij. 

Bebaime.com: Cilët momente të fëmijëve tuaj nuk do ti harroni asnjëherë?

Sellma: Nuk dua të tingëllon si klishe, por janë fjalët e para ato që mbahen mend gjithmonë. Fëmijët e mi çdo ditë e pasurojnë fjalorin si çdo fëmijë besoj, ashtu dhe mua më pasurojnë me shumë dashuri. 

Bebaime.com: E keni në plan në të ardhmen ta zgjeroni edhe më shumë familjen tuaj?

Sellma: Nuk e di, për momentin jam e plotësuar me shumë dashuri, nga tre meshkuj: Pleurati, Teo dhe Dielli. 

Bebaime.com: Cili është mesazhi juaj për nënat dhe gratë shtatzëna?

Sellma: Me shume dashuri gjithçka mund të arrihet, fëmijët nuk janë pengesë për një karrierë të suksesshme, por asnjëherë fëmijët mos ta zëne vendin pas karrierës.

Intervistoi: TEUTA SINANAJ