Visar Peja është këngëtar i shquar i muzikës popullore. Deri sot ka sjellë para publikut dhjetëra këngë që janë bërë hite. Ai, bashkë me babanë e tij, Ismet Peja dhe me disa këngëtarë të paktë mundohen ta mbajnë gjallë muzikën popullore dhe atë qytetare. Në këtë intervistë nuk do të flasim për muzikë, por do të mësojmë më shumë për jetën private të Visar Pejës dhe familjes së tij.
Foto: Visar Peja
Bebaime: Visar të gjithë ju njohin si këngëtar, por pak dimë për familjen tënde. Në tregoni me disa fjalë për familjen tuaj?
Visar Peja: Familja ime përbëhet nga bashkëshortja Valbona dhe dy vajzat Ditea (4 vjeçe) dhe Hera (3 vjeçe). Jetojmë në Prishtinë, aty ku edhe unë punoj punën si koordinator në OJQ CCPA KOSOVA. Po ashtu kam të kryer fakultetin ekonomik.
Foto: Visar Peja me bashkëshorten e tij Valbonën
Bebaime: Na tregoni çfarë gëzimi pati në jetën tuaj kur për herë të parë u bëtë baba. Si ishte ai moment?
Visar Peja: Ka qenë një moment i përzier me lot dhe gëzim, por e veçanta ishte mënyra se si Ditea më shikonte drejt në sy! Gëzim i pa përshkruar, i cili vetëm përjetohet.
Foto: Visar Peja me vajzat e tij Ditea dhe Hera
Bebaime: Duket se jeni baba i përkushtuar. Çka ju bën që të jeni kaq shumë i dhënë pas vajzave tua?
Visar Peja: Dashuria ndaj vajzave dhe familjes është gjë shumë e rëndësishme për mua, më e rëndësishëm se çdo gjë tjetër. Çdo sekondë të kohës time të lirë e shfrytëzoj të jem me vajzat, sepse mendoj që afërsia na bën mirë të gjithëve!
Foto: Ditea dhe Hera
Bebaime: Me kë janë të lidhura më shumë vajzat me ju, apo bashkëshorten tuaj?
Visar Peja: Vajzat më tepër janë të dhëna pas gruas sime, por natyrisht se edhe me mua janë të lidhuar shumë. Më shumë u bie të rrin me gruan time, prandaj mund të them se për një nuancë të vogël janë të lidhur më shumë me Valbonën.
Bebaime: Sa i ndihmoni bashkëshortes rreth fëmijëve?
Visar Peja: Mundohem te jem afër kur kam mundësi! P.sh, ndërrimi i pampersit kurrë nuk ka qenë problem ose vizitat mjekësore, ato gjithmonë janë barrë e imja, të cilën e bëj me shumë kënaqësi!
Bebaime: Na flisni pak për karakteret e vazjave, ju kanë ngjarë juve apo bashkëshortes dhe cila është më ‘kokëforte’?
Visar Peja: E madhja Ditea ka ngja nga e ëma me karakter dhe qetësinë e saj, ndërsa Hera është kopje e imja për nga pamja dhe karakteri kokëforte dhe inatçi.
Bebaime: Ju gatuani ndonjëherë fëmijëve, dhe nëse po çka konkretisht?
Visar Peja: Ju gatuaj vezë dhe të tjerat zakonisht janë ushqim i gatshëm!
Bebaime: Cili është mesazhi juaj për prindërit e Kosovës. Si duhet ata ti ushqejnë, edukojnë fëmijët e tyre?
Visar Peja: Nuk di a kisha mundur ta këshillojë apo edukojë dikë, por unë nisëm nga ajo që me fëmijët duhet të jesh i afërt dhe t’ju qëndrosh pranë, aq mjafton!
Bebaime: Keni në plan në të ardhmen ta zgjeroni edhe më shumë familjen tuaj?
Visar Peja: Plane për momentin jo, por si dihet.
Intervistoi: TEUTA SINANAJ