Fitore Rexhepin të gjithë e njihni si moderatore e disa programeve në RTK. Fitorja sapo është bërë nënë dhe në këtë intervistë flet për jetën e saj, mirëpo tani si nënë dhe për vajzën katër muajshe, Majdën.
Bebaime: Ju keni një vajze të cilën e keni pagëzuar me emrin Majda. Na flsini pak se çfarë kuptimi ka ky emër dhe pse vendoset ta pëgëzoni kështu?
Fitore Rexhepi: Fillimisht faleminderit për intervistën, sepse është hera e parë që po intervistohem si nënë, e qenka ndjenjë shumë e mirë. Emrin Majda e kam dëshiruar ende pa e ditur gjininë e foshnjës sime, dëshiroja shumë që të ishte vajzë dhe emri ishte gati Majda. Majda do të thotë nder dhe lavdi, por i ëshë përshtatur shumë, sepse ka lindur edhe në muajin maj.
Bebaime: Në flisni pak për Majdën, nga dita e parë e gjer tani?
Fitore Rexhepi: Momenti i parë me kujton të qarën e saj dhe fytyrën e saj pranë times. E kujtoj shpesh atë moment. Majda është fëmijë i urtë, e mbarë që të lumturon shumë. Sot ajo është 4 muajshe dhe çdo mëngjes ë buzëqesh dhe të qarat i ka shumë të rralla. Jam nënë me fat.
Bebaime: Na tregoni si jeni ndjer në momentin e parë që keni parë fëmijën tuaj, keni thënë dhe ju si shumë nëna “ashtu siç e kam imagjinuar”?
Fitore Rexhepi: Unë gjatë kohës kur isha shtatëzanë shpeshherë mendoja fytyren e saj se si do të dukej, por doli më e bukur se që e kisha imagjinuar. Nuk më kishte mjaftuar imagjinata për ta krijuar këtë Majda që sot e kam në duar.
Bebaime: Çfarë ndjesi ka qenë kontakti i parë me të, si mund ti përshkruani ato çaste?
Fitore Rexhepi: Unë kam thënë njëherë, po e them prapë edhe po t'i dija që të gjitha gjuhët e botës nuk do të mund ta përshkruaja atë moment. Une i dua shumë femijët, këtë e dinë të gjithë ata që më njohin dhe imagjinoni sa e dua fëmijën tim.
Bebaime: Si mund të na përshkruani momentet e ardhjes së fëmijës tuaj në shtëpi. Jeni frikësuar se mos nuk do t’ia dilni, kush ju ka ndihmuar në ditët e para?
Fitore Rexhepi: E prisja me padurim daljen nga spitali. Nuk kisha frikë, sepse isha e përgatitur, edhe pse stresi për të dhënë maksimumin nuk mungonte. Më kanë ndihmuar dy gjyshet e Majdës në javët e para, e nëna ime është gjithmone kur më duhet, sepse e kam afër. Ndonjëherë nuk pyesja askënd, sepse mendoja se askush nuk di më mirë se une për Majden (qeshët), janë edhe këto momente, të cilat besoj se i përjetojnë shumë nëna.
Bebaime: Sa ju ndihmon bashkëshorti rreth fëmijës?
Fitore Rexhepi: Beni punon gjatë tërë ditës, por pasditet i kalon me Majden. Mua më fascionon mënyra se si e shikon një foshnje 4 muajshe babain e saj. Më ndihmon dhe kjo i duhet një nëne, një mbështetje nga bashkëshorti dhe fatmirësisht këtë po e shoh që po ndryshon në shoqërinë shqiptare. Baballarët po ndihmojnë.
Bebaime: Çka do t’ju sugjeroje nënave të reja, apo edhe atye që janë në prag të lindjes?
Fitore Rexhepi: Si nëne e re nuk e di sa mund t'i sygjeroj, por dua t’ju them që të kenë sa më pak panik dhe dëgjoni shumë, pyesni të tjerët e në fund bëni ashtu si ju e ndjeni, sepse nëna e kupton më së miri çka e mundon fëmijën e saj. Edhe insistoni në orarin e fëmijës tuaj, të cilin mos e prishni për asgjë dhe askënd.
Bebaime: Keni menduar në të ardhmen ta zgjeroni familjen edhe me ndonjë fëmijë tjetër?
Fitore Rexhepi: Po gjithsesi. Me këtë lumturi që na e ka dhënë Majda sigurisht që do ta zgjerojmë familje, dhe jo shumë larg, jo shumë diferencë, natyrisht me ndihmën e Zotit.
Bebaime: Tani që jeni bërë nënë si fillon një dite për ju?
Fitore Rexhepi: Dita tani fillon me Majdën dhe përfundon po me Majdën. Mëngjeset i nisim duke buzëqeshur, folur e luajtur, pastaj nisin procedurat e të ushqyerit dhe vjen gjumi, kështu ikë dita dhe po ikin edhe muajt shpejt, sa më duket sikur nesër do të filloj punën.
Bebaime: Na përshkruaj pak se çfarë emocioni ka qenë momenti kur keni kuptuar se do të bëheni nënë?
Fitore Rexhepi: Gjithmonë kam thënë që kur të martohem nuk dua ë pres shumë, dua fëmij. Zoti deshti të plotesojë këtë dëshië timen. Ndjenja kur e kuptova që do të bëhem nënë ishte shumë e fuqishme dhe më bëri të ndjehem e plotësuar.
Bebaime: Sa ka ndryshuar jeta juaj që kur lindi Majda?
Fitore Rexhepi: Gjithsesi që ka ndryshuar, por ka ndryshuar për mirë dhe po më pelqen ky ndryshim. Tani gjithçka duhet planifikuar, daljet, kryerjen e obligimeve, sepse kam një prioritet vajzën time.
Bebaime: Si mund ta përkufizoni fjalën “nënë”, kur tash edhe ju jeni nënë?
Fitore Rexhepi: Unë me plotë gojë e thërrasë nënën time Nanë dhe kam një raport shumë të ngushtë me të, si duket e kam kuptuar herët që nuk ka fjalë më të mirë.
Bebaime: Cila është këshilla e juaj për nënat?
Fitore Rexhepi: Uroj që të gjitha femrat ta përjetojnë këtë ndjenjë, e tani ju them jetojeni çdo moment të kësaj ndjenje.
Intervistoi: TEUTA SINANAJ