Aktorja e mirënjohur Adriana Matoshi, përpos që është aktore e përkushtuar në punën e saj, ajo mbi të gjitha është nënë e katër fëmijëve të mrekullueshëm, Kaonës, Bojkenit, Odejit dhe Pineas.

Lexojeni intervistën, për të kuptuar më shumë për familjen e aktores Adriana Matoshit.

Bebaime: Të gjithë ju njohin si aktore që keni aktruar në shumë filma të rëndësishëm, por pak dinë për jetën e Ardiana Matoshit. Na tregoni me kë jeni e martuara dhe sa fëmijë keni?

Adriana Matoshi: Unë jam gruaja e Albertit, e nëna e Kaonës, Bojkenit, Odejit dhe Pineas.

Foto familjare

Bebaime: Na flisni pak për fëmijët, sa vjeçar janë, me një fjalë për të gjithë na flisni disa fjalë?

Adriana Matoshi: Kaona sapo ka mbushur 14 vjet, është shumë e ëmbël, është e qetë me ca momente shpërthyse, e kuptueshme dhe e dëgjueshme! Bojkeni është 10 vjeçar, është i ndjeshëm, nervoz nganjëherë, humori që e ka ai na bën për të qesh me të madhe!

Odej është 4 vjeç, është shumë i dashtur, është më i terhequr me njerëzit që nuk i njeh, shikon shumë filma të animuar. Jeta e tij është e gjitha në aksion, dhe është shumë i urte kur flen. Pinea është 2 vjeçe, është ëmbëlsira e familjes, ajo na rri gati të gjithë neve, kujdeset shumë për motrën dhe vëllezërit, edhe pse më e vogla vetem dy vjet, ajo është e dhënë shumë pas të gjithëve.

Foto: Odej

Bebaime: Ka ndjekur ndonjë nga fëmijët rrugën tuaj, pra aktrimin?

Adriana Matoshi: Po, Kaona Sylejmani tashmë është e njohur shumë prej regjisorëve.

Foto: Adriana dhe Kaona

Bebaime: Meqë duket se ka kaluar një kohë nga sjellja në jetë e fëmijës së parë, megjithatë a mund ti ndani disa kujtime për lexuesit e portalit tonë. Si mund ta përshkruani kohën kur u bëtë nënë. Çfarë emocioni keni përjetuar?

Adriana Matoshi: Ajo ditë nuk harrohet kurrë, sepse ishte lindja ime e parë, kisha dhimbje e menzi e prisja momentin me ia pa sytë, hundën, veshët, buzët, duart, gishtat, thonjtë e vockel, me një fjale doja ta mbaja në dorë!

Foto familjare

Bebaime: Zakonisht nënat thonë se me fëmijën e parë e kanë pasur më vëshirë, vlen edhe për ju kjo?

Adriana Matoshi: Më vështirë në kuptimin se është hera e pare dhe ti s’ke haber, edhe pse kisha lexuar libra për bebe ato ishin vetëm libra, tjetër ishte përjetimi!

Bebaime: Na tregoni a shkojnë fëmijët në shkollë, ku shkojnë, në cilën klasë etj?

Adriana Matoshi: Dy fëmijët e mëdhenj shkojnë në shkollë, Kaona del ne klasën e 9-të, kurse Bojkeni në të 4-të,nganjëherë më të mirë, nganjëherë më dobët, por janë në disa faza që i kemi kaluar të gjithë!

Foto familjare

Bebaime: Sa ju ka ndihmuar bashkëshorti në rritjen e fëmijëve, kur dihet se kryesisht barra për rritjën e fëmijëve i bie nënave?

Adriana Matoshi: Unë dhe bashkëshorti im kemi punuar vazhdimisht. E vërtet që barra u bie nënave, kësaj radhe barra i ka rënë nënës sime, ajo dhe babi im janë prindërit që i kanë rrit fëmijët. Unë dhe bashkëshorti im kemi qenë ata që jemi argëtuar me ta, por normalisht që përgjegjësia ka qenë edhe e jona!

Foto: Adriana Matoshi

Bebaime: Cilin moment do ta mbani mend më shumë nga fëmijëria e fëmijëve?

Adriana Matoshi: Erën, pafajësinë, gërrçet, vajin, e shumë gjëra të tjera.

Bebaime: Me kë janë më të lidhur fëmijët me ju apo bashkëshortin tuaj?

Adriana Matoshi: Me te dytë janë tepër të lidhur. Jemi nga ata prind që falim shumë, jemi më shumë shokë në raport me ta se sa prind-fëmije. Nuk mundemi pa njëri-tjetrin, një nëse mungon vërehet mungesa shumë.

Foto: Adriana dhe Pinea

Bebaime: Ngaqë portali ynë lexohet nga gratë shtatëzana dhe nënat e reja keni ndonjë këshillë për to?

Adriana Matoshi: Qetësojeni veten, relaksohuni mendoni vetëm pozitivisht, dilni shëtitni, ecni, notoni nëse keni mundësi edhe bëni lindje normale AMAN.

Bebaime: Keni në plan ta zgjeroni edhe më shumë familjen tuaj?

Adriana Matoshi: Falenderoj Zotin për këta që mi ka falë. Lutem ti udhëzoj në rrugë të drejtë. Me shumë dëshirë e kisha zgjeruar familjen, sepse ne duam shumë fëmijë, por në këto kushte...

Intervistoi: Teuta SINANAJ