14.01.2018 - Kelly Clarkson është vendosur nën shënjestrën e rrjeteve sociale fill pas deklaratës së saj mbi prindërimin.

Këngëtarja tregoi se shuplakat nuk ia kusente vajzës së saj 3- vjeçare, River- it.

“Nuk është se i gjuaj fort, por thjesht nja dy dacka të mira. Gjithsesi e paralajmëroj duke i thënë të mos vazhdoj, sepse do t’i gjuaj. Të them të drejtën kjo të ndihmon shumë. Ajo nuk e bën më, të paktën jo për ca kohë.” u shpreh ajo.

35- vjeçarja shpjegoi se edhe ajo, kur ishte e vogël goditej nga prindërit. E rritur në Texas, artistja tregoi se si prindërit e gjuanin sa herë bënte gabime.

“Jam nga jugu i SHBA-së, kështu që shuplakat pranohen. Nëse përfundoja ndonjëherë në zyrën e drejtoreshës, mamaja ime e telefononte dhe i jepte leje të më godiste.”

Po kështu “People” raportoi se këtë javë Kelly dha këshillën e saj më të padëgjuar për prindërit:

“Ju duhet një gotë verë dhe jeni okay.”

Pas rrëfimit të saj, opinioni publik e ka kryqëzuar. Ata e kanë konsideruar një nënë përtace dhe të dhunshme.

“Të edukosh fëmijën me shuplakë kjo është përtacëri. Fëmijës foli!” – shkroi dikush.

“Shuplakat i mësojnë dhunën dhe agresivitetin vajzës.”

“Seriozisht e ke? E thua këtë në sy të gjithëve dhe të tjerët shkojnë marrin shembull nga ti!”

Burimi: anabel.al