02.05.2014 - “Ndjehem me fat. Ai është një baba i mrekullueshëm dhe ne flasim cdo ditë për mirëqënien e djalit tonë”.
Kjo është njëra prej fjalive të dala nga Miranda Kerr mes komenteve të tjera të saj pas divorcit me Orlando Bloom. Dhe aktori 37-vjeçar vërtetoi këtë teksa u fotografua duke u argëtuar me djalin e tij Flynn në plazhet e Santa Barbara-s të mërkurën.
Çifti njoftoi ndarjen konsensuale në muajin tetor të vitit të kaluar. Miranda rrëfeu këtë javë për herë të parë se si kishte hedhur pas krahëve ditët e vështira të divorcit. Modelja 31-vjeçare tha gjithashtu se “ata janë ende një familje dhe e tillë do të mbeten gjithmonë”./tch/
